കുടിവെള്ളത്തിലോ സർബത്തിലോ ഒക്കെ ഐസ് ഇട്ട് ഉപയോഗിക്കാറുണ്ടെങ്കിലും സൗന്ദര്യത്തിനും ഐസ് ഉപയോഗിക്കാമെന്ന് നിങ്ങൾക്കറിയാമോ. നിങ്ങളുടെ സൗന്ദര്യവുമായി ബന്ധപ്പെട്ട് എന്ത് പ്രശ്‌നങ്ങളുണ്ടെങ്കിലും,ഐസ് നല്ല ഓപ്ഷൻ ആണ്.
നിങ്ങളുടെ മുഖം ഫ്രഷ് ആയി നിലനിർത്തുന്നതിനൊപ്പം, ഐസ് നിങ്ങളുടെ മുഖത്തെ ഡാർക്ക്‌ സർക്കിൾ ഇല്ലാതാക്കുന്നു.
മുഖത്തെ പാടുകൾ ഇല്ലാതാക്കാൻ വിപണിയിൽ നിന്ന് വാങ്ങുന്ന സൗന്ദര്യവർദ്ധക വസ്തുക്കൾ കൊണ്ട് കഴിയുന്നില്ലെങ്കിൽ ഐസ് ഉപയോഗിച്ചു നോക്കു.
ബ്യൂട്ടി ഉൽപ്പന്നങ്ങൾ പാടുകൾ ഇല്ലാതാക്കുന്നു എങ്കിലും കുറച്ച് സമയത്തിന് ശേഷം അവ വീണ്ടും പ്രത്യക്ഷപ്പെടുന്നു. ഇതിന് പകരം ആയി വീട്ടിലിരുന്ന് പണം മുടക്കാതെ ഐസ് ഉപയോഗിക്കാം. ഇത് നിങ്ങൾക്ക് ശാശ്വത സൗന്ദര്യം നൽകും. മുഖത്ത് ഐസ് പുരട്ടുന്നതിന്‍റെ ഗുണങ്ങളെക്കുറിച്ച് അറിയൂ.
- മുഖത്ത് പാടുകൾ
കറുത്ത പാടുകൾ ഭേദമാക്കാൻ ഐസ് വളരെ സഹായകമാണ്. ഇതിനായി കോട്ടൺ തുണിയിൽ ഐസ് ഇട്ട് മുഖത്തും കഴുത്തിലും ഉഴിയുക എന്നാൽ ഒരിടത്ത് മാത്രം ഐസ് പുരട്ടരുതെന്ന് ഓർമ്മിക്കുക. ഇത് നിങ്ങളുടെ ചർമ്മത്തിന് ചുവപ്പ് നിറം നൽകും. ഐസ് പുരട്ടിയാൽ മുഖത്തെ പാടുകൾ വേഗം മാറിക്കിട്ടും.
- ഡാർക്ക്‌ സർക്കിൾ
മുഖത്ത് ഐസ് പുരട്ടുന്നത് വഴി ഡാർക്ക്‌ സർക്കിൾ മാറുമെന്നും മുഖം എപ്പോഴും ഫ്രഷ് ആയി തുടരുമെന്നും നിങ്ങൾക്കറിയുമോ?. അമിതമായി മേക്കപ്പ് ചെയ്യുന്നത് നിങ്ങൾക്ക് ഇഷ്ടമല്ലെങ്കിൽ പതിവായി ഐസ് ഉപയോഗിക്കണം. ഇങ്ങനെ ചെയ്യുന്നതിലൂടെ മുഖം എപ്പോഴും ഫ്രഷ് ആയി നിലനിൽക്കും.
- മേക്കപ്പ്
നിങ്ങളുടെ മേക്കപ്പ് ദീർഘനേരം നിലനിൽക്കണമെങ്കിൽ, മേക്കപ്പ് പ്രയോഗിക്കുന്നതിന് മുമ്പ് മുഖത്ത് ഐസ് പുരട്ടുക. തുടർന്ന് വൃത്തിയുള്ള കോട്ടൺ തുണി ഉപയോഗിച്ച് ഉണക്കി മേക്കപ്പ് ചെയ്യുക.
- ടാനിംഗ് പ്രശ്നങ്ങൾ
സൂര്യതാപം അല്ലെങ്കിൽ ടാനിംഗിന്‍റെ പ്രശ്‌നത്താൽ നിങ്ങൾ വിഷമിക്കുന്നുണ്ടെങ്കിൽ, ഇതിനായി ദിവസത്തിൽ ഒരിക്കൽ മുഖത്ത് ഐസ് പുരട്ടുക, ഇത് മുഖത്തെ മൃദുലമാക്കുകയും മുഖത്ത് തണുപ്പ് അനുഭവപ്പെടുകയും ചെയ്യും.
- നേത്ര പ്രശ്നങ്ങൾ
ഇന്നത്തെ കാലത്ത് കംപ്യൂട്ടർ സ്‌ക്രീനിനു മുന്നിൽ ഇരിക്കുന്നത് കണ്ണിന് ഒരുപാട് പ്രശ്നങ്ങൾ ഉണ്ടാക്കിയിട്ടുണ്ട് അതിനായി നമ്മൾ ഡോക്ടറെ സമീപിക്കുകയോ എന്തെങ്കിലും മരുന്ന് ഒഴിക്കുകയോ ചെയ്യുന്നു. ഈ പ്രശ്‌നത്തിൽ നിന്ന് മുക്തി നേടാനും നിങ്ങൾക്ക് ഫ്രഷ് ആയി തോന്നാനും ഐസ് കൊണ്ട് കഴിയും. ഇതിനായി ഐസ് ക്യൂബ് നനഞ്ഞ തുണിയിൽ പൊതിഞ്ഞ് കണ്ണിനു മുകളിൽ അൽപനേരം വെക്കുക. ആശ്വാസം നൽകും.
- പേശി വേദനയിൽ നിന്നുള്ള ആശ്വാസം
പേശി വേദന അനുഭവപ്പെടുന്നുണ്ടെങ്കിൽ ഐസ് ഉപയോഗിക്കുക, ധാരാളം ഗുണം ലഭിക്കും. ഇതിനായി വേദനയുള്ള സ്ഥലത്ത് കുറച്ച് സമയം ഐസ് പുരട്ടുക. ഇത് നിങ്ങൾക്ക് ഒരുപാട് ആശ്വാസം നൽകും.
