ഓണക്കാലത്താണ് മലയാളികൾ, കേരളത്തിന്‍റെ പരമ്പരാഗത ഭക്ഷണ രീതികളിലേക്ക് ഗൃഹാതുരതയോടെ ഇറങ്ങിച്ചെല്ലുന്ന സമയം. അത്തം മുതൽ പത്തു ദിനങ്ങളിലെ ഓണാഘോഷത്തിന്‍റെ പൊലിമ മുറ്റത്തെ പൂക്കളത്തിലും അടുക്കളയിലെ സദ്യ വട്ടങ്ങളിലും ഓണാക്കോടിയിലും ആണ്. എല്ലാവരും ഒരുമിച്ചു ചേർന്ന് ഗംഭീര വിഭവങ്ങൾ ഉണ്ടാക്കുകയും കഴിക്കുകയും ചെയ്യുന്ന സന്തോഷം മറ്റെവിടെ കിട്ടും?
ചേരുവകൾ:
പരിപ്പ് – ഒരു ടേബിൾ സ്പൂൺ
തക്കാളി – 1 വലുത്
മല്ലിപൊടി – ഒരു സ്പൂൺ
മുളക് പൊടി – ഒരു സ്പൂൺ
കുരുമുളക് പൊടി – അര സ്പൂൺ
ജീരകം ചതച്ചത് – ഒരു സ്പൂൺ
കായം – അര സ്പൂൺ
വെളുത്തുള്ളി – 7-8 എണ്ണം
തയ്യാറാക്കുന്ന വിധം:
പരിപ്പിൽ രണ്ട് കപ്പ് വെള്ളം ചേർത്ത് അതിൽ തക്കാളിയും കുറച്ചു മഞ്ഞൾ പൊടിയും ഉപ്പും ചേർത്തു കുക്കറിൽ നന്നായി വേവിച്ചെടുക്കുക.
പരിപ്പും തക്കാളിയും നന്നായി ഉടച്ച ശേഷം അതിലേക്കു ഒരു വലിയ നെല്ലിക്ക വലിപ്പത്തിൽ പുളി എടുത്തു കലക്കി ഒഴിക്കുക.
അതിൽ മല്ലിപൊടി, മുളകുപൊടി, കുരുമുളക് പൊടി, ജീരകം ചതച്ചത് എല്ലാം കൂടി ചേർത്ത് തിളച്ചു കഴിഞ്ഞാൽ അതിലേക്ക് വെളുത്തുള്ളി ചതച്ചതും കായവും ചേർത്ത് ഒന്ന് കൂടി തിളപ്പിക്കുക.
പിന്നെ കുറച്ചു വെളിച്ചെണ്ണയിൽ ഒരു സ്പൂൺ കടുകും രണ്ടു വറ്റൽ മുളകും കൂടി വറുത്തിടുക. കൂടെ ഒരു തണ്ട് കറിവേപ്പിലയും കുറച്ചു മല്ലിയില അരിഞ്ഞതും ചേർക്കാം. രസം റെഡി.
