ഫാഷനിസ്റ്റ് വനിതകളുടേതാണ് ഡൽഹി നഗരം. 30 മിനിറ്റ് ദൈർഘ്യമുള്ള മെട്രോ യാത്ര മതി നഗരത്തിലെ ഫാഷൻ പ്രേമികളെ യഥേഷ്ടം കാണാൻ കഴിയും… ഇന്ത്യൻ വസ്ത്രവിപണിയിൽ ഏറ്റവും പുതിയത് എന്താണ്, എന്ന് ഈ പെൺകുട്ടികളുടെ വസ്ത്രങ്ങൾ ശ്രദ്ധിച്ചാൽ മനസിലാക്കാൻ പറ്റും.
എന്നാൽ ആളുകൾ ഫാഷൻ ഉപയോഗിക്കുന്നത് കൃത്യമായിട്ടാണോ? പലപ്പോഴും അല്ല എന്നാണ് ഉത്തരം.. കുറച്ചു നാൾ മുൻപ് മെട്രോയിൽ ഒരു പെൺകുട്ടിയെ കാണാനിടയായി. അവൾ ക്രോപ്പ് ജാക്കറ്റ് ആണ് ധരിച്ചിരുന്നത്. എന്നാൽ ആ പെൺകുട്ടി മെട്രോയിൽ നിന്ന് ഇറങ്ങിയ ഉടൻ ആളുകൾ ശ്രദ്ധിക്കാനും ചിരിക്കാനും തുടങ്ങി. യഥാർത്ഥത്തിൽ, ആ പെൺകുട്ടിയുടെ ജാക്കറ്റ് വളരെ ചെറുതായിരുന്നു, അല്പം കൈ ഉയർത്തിയാൽ, ജാക്കറ്റിനടിയിൽ ധരിച്ചിരിക്കുന്ന ഇന്നർ വെയർ കാണാമായിരുന്നു. അവൾ സ്റ്റൈലിഷ് ജാക്കറ്റിനൊപ്പം സ്റ്റൈലിഷ് ആയ ഇന്നർ വെയർ ധരിച്ചിരുന്നുവെങ്കിൽ ആളുകൾ ചിരിക്കില്ലായിരുന്നു. ചെറിയൊരു അശ്രദ്ധ മൂലം ഉണ്ടായ ഫാഷൻ ദുരന്തം!!
ഒരു ഫാഷൻ പരീക്ഷിക്കുന്നതിനു മുൻപ് അതേ കുറിച്ച് നന്നായി മനസിലാക്കേണ്ടതുണ്ടെന്ന് ഫാഷൻ ഡിസൈനർ വിനിത പാണിഗ്രാഹി പറയുന്നു. ഇത് ഫാഷൻ മണ്ടത്തരങ്ങൾ ഒഴിവാക്കാൻ സഹായിക്കും .
വാസ്തവത്തിൽ, ഫാഷനിസ്റ്റ് ആകാനുള്ള ശ്രമത്തിൽ, സ്ത്രീകൾ പലപ്പോഴും കോപ്പിക്യാറ്റുകൾ ആയി മാറുന്നു. മറ്റുള്ളവരെ അനുകരിച്ചു ആ ഫാഷൻ സ്വയം ഉപയോഗിക്കുമ്പോൾ ചിലർക്ക് ഒട്ടും യോജിക്കുന്നില്ല. ഫാഷൻ തെറ്റ് ആരംഭിക്കുന്നത് ഇവിടെ നിന്നാണ്.
സ്കിൻ എക്സ്പോഷർ ആവശ്യമോ
ഫാഷന്‍റെ ഭാഗമാണ് സെക്സി ലുക്ക്. മൊത്തത്തിലുള്ള വസ്ത്രധാരണം, ഹെയർസ്റ്റൈൽ, പാദരക്ഷകൾ, മനോഭാവം എന്നിവ ഒരു വ്യക്തിയെ സെക്‌സിയാക്കുന്നു. സെക്സി ലുക്കിന് ക്ലിവേജ്, അരക്കെട്ട്, ഓപ്പൺ ബാക്ക് എന്നിവ കാണിക്കരുതെന്നും വിനിത പറയുന്നു. ഇതുകൂടാതെ, സ്ത്രീകൾ ഏത് അവസരത്തിലാണ് സെക്സി ആയി കാണേണ്ടത് എന്നതിനെക്കുറിച്ച് വളരെയധികം ആശയക്കുഴപ്പമുണ്ട്. എന്നാൽ ആറ്റിറ്റ്യൂഡ് ഉണ്ടെങ്കിൽ എവിടെയും സെക്സി ലുക്ക് സ്വീകരിക്കാം. സ്കിൻ എക്സ്പോഷർ ആവശ്യമില്ല.
യോജിച്ച സൈസ്
ചില സ്ത്രീകൾക്ക് ഫാഷനോട് വളരെയധികം താൽപ്പര്യമുണ്ട്, അവരുടെ രൂപം അവർക്ക് പ്രശ്നമല്ല. അത്തരമൊരു സാഹചര്യത്തിൽ, ഇഷ്ടമുള്ള ഫാഷൻ വസ്ത്രങ്ങൾ ശരീരത്തിന്‍റെ ആകൃതിക്കിണങ്ങുന്നത് ആവണമെന്നില്ല , തന്മൂലം വിചാരിച്ച ഭംഗി ലഭികുകയില്ല. വലുപ്പത്തിൽ വലിയതോ ചെറുതോ ആയ വസ്ത്രങ്ങൾ ധരിക്കുന്നതും ഫാഷൻ മണ്ടത്തരങ്ങളായി കണക്കാക്കപ്പെടുന്നു. അതിനാൽ സ്വന്തം വലുപ്പത്തിലുള്ള വസ്ത്രങ്ങൾ ധരിക്കുക.
തടിച്ച സ്ത്രീകൾ ഇറുകിയ വസ്ത്രം ധരിക്കരുത്. വളരെ ഇറുകിയ വസ്ത്രങ്ങളിൽ, ശരീരം മെലിഞ്ഞതായി കാണപ്പെടുന്നില്ല, അല്ലെങ്കിൽ രൂപം മനോഹരമായി കാണപ്പെടുന്നില്ല, നേരെമറിച്ച്, ഇത് പേശികളെ മോശമായി ബാധിക്കുന്നു. മെലിഞ്ഞ സ്ത്രീകൾ വളരെ സ്‌കിന്നിയായ ഇറുകിയ വസ്ത്രങ്ങൾ ധരിക്കരുത്, അപ്പോൾ അവർ കൂടുതൽ മെലിഞ്ഞതായി തോന്നാം. കുറച്ച് നിറങ്ങൾ ചില ആളുകൾക്ക് അനുയോജ്യമാണ്, അത് നോക്കി ആ നിറങ്ങൾ തന്നെ നിങ്ങളും തെരെഞ്ഞടുക്കുന്നത് നന്നല്ല.
നിറം ഏത് വേണം
പിങ്ക് നിറം ഓരോ പെൺകുട്ടിയുടെയും പ്രിയങ്കരമാണ്, എന്നാൽ എല്ലാ അവസരങ്ങളിലും പിങ്ക് വസ്ത്രങ്ങൾ ധരിക്കണമെന്ന് ഇതിനർത്ഥമില്ല. സന്ദർഭത്തിനും സ്ഥലത്തിനും അനുസരിച്ച് നിറങ്ങൾ തിരഞ്ഞെടുക്കുന്നത് നിങ്ങളെ ഫാഷനബിൾ ആക്കും. ഒരു പ്രത്യേക നിറം നിങ്ങൾക്ക് ചേരില്ല എന്നത് കൊണ്ട് അതിന്‍റെ വ്യത്യസ്ത ഷേഡുകൾ പരീക്ഷിക്കാതിരിക്കേണ്ട. ശരിയായ നിറങ്ങളുടെ സംയോജനത്തെക്കുറിച്ചുള്ള അറിവും വളരെ പ്രധാനമാണ്.
ബോൾഡ് നിറങ്ങളുടെ സംയോജനത്തെ ഫാഷൻ മിസ്റ്റേക്ക് എന്ന് വിളിക്കുന്നതിനാൽ കളർ സെൻസ് വളരെ പ്രധാനമാണ്. ഇത് മാത്രമല്ല, ഓരോ നിറത്തിനും ഉചിതമായ സമയമുണ്ട്. പകൽ സമയം ചുവന്ന നിറം ധരിക്കുകയാണെങ്കിൽ, വളരെ തിളക്കമുള്ളതായി തോന്നും, മഞ്ഞ നിറം രാത്രിയിൽ നല്ല ലുക്ക് നൽകില്ല.
അതിനാൽ അവനവനു ചേരുന്ന നിറങ്ങളും അനുയോജ്യമായ സൈസും സെലക്ട്‌ ചെയ്യുമ്പോൾ മാത്രമാണ് ഒരാൾ ഫാഷൻ ഐക്കൺ ആയി മാറുന്നത് എന്നർത്ഥം…
