മട്ടൺ ക്യാബേജ് റോസ്റ്റ്

ചിക്കൻ കഴിച്ചു മടുത്തെങ്കിൽ ഇതാ ഇതൊന്നു ട്രൈ ചെയ്യു. മട്ടൺ റോസ്റ്റ് പുതിയ രുചിയിൽ.

ചേരുവകൾ

മട്ടൺ ചെറിയ കഷണങ്ങൾ 500 ഗ്രാം

ഉള്ളി പേസ്റ്റ് 150 ഗ്രാം

വെളുത്തുള്ളി പേസ്റ്റ് രണ്ടര സ്പൂൺ

ഇഞ്ചി പേസ്റ്റ് ഒന്നേകാൽ സ്പൂൺ

ഗരം മസാല ഒരു വലിയ സ്പൂൺ

നെയ്യ് 100 ഗ്രാം

മുളകുപൊടി ഒന്നര ചെറിയ സ്പൂൺ

മല്ലിപ്പൊടി ഒന്നര വലിയ സ്പൂൺ

യോഗർട്ട് കാൽ കപ്പ്

ടൊമാറ്റോ പ്യൂരി അര കപ്പ്

ഗരം മസാല പൗഡർ രണ്ടര ചെറിയ സ്പൂൺ

ഏലയ്ക്കാപ്പൊടി 1 ചെറിയ സ്പൂൺ

ജാതിക്കാപ്പൊടി 1 ചെറിയ സ്പൂൺ

1-2 കുങ്കുമ അല്ലികൾ

ചുവന്ന മുളക് 5 എണ്ണം

ക്യാബേജ് 100 ഗ്രാം

പരിപ്പ് 100 ഗ്രാം

ഉപ്പ് ആവശ്യത്തിന്

ഗാർണിഷിംഗിനായി ഇഞ്ചിയും മല്ലിയിലയും

തയ്യാറാക്കുന്ന വിധം

ഒരു ബൗളിൽ മട്ടൺ കഷണങ്ങൾ എടുക്കുക. എന്നിട്ട് അതിലേക്ക് തൈരും ഉപ്പും ചേർത്ത് കുറച്ച് നേരം വയ്ക്കുക.

ഒരു പാൻ ചൂടാക്കി നെയ്യ് ഒഴിച്ച് ഉള്ളി പേസ്റ്റും ഗരം മസാലയും ഇട്ട് ഗോൾഡൺ ബ്രൗൺ നിറമാകും വരെ വഴറ്റുക. ഇനി ഇതിലേക്ക് വെളുത്തുള്ളി പേസ്റ്റും ഇഞ്ചി പേസ്റ്റും ടൊമാറ്റോ പ്യൂരിയും ബാക്കി മസാലകളും ചേർത്ത് എണ്ണ തെളിയും വരെ വഴറ്റുക.

ഇതിനുശേഷം മട്ടൺ കഷണങ്ങൾ ഇട്ട് വലിയ തീയിൽ 2 മിനിറ്റ് നേരം പാകം ചെയ്യുക. ശേഷം ആവശ്യത്തിന് ഉപ്പും വെള്ളവും ചേർത്ത് പാത്രം അടച്ച് വച്ച് ഗ്രേവി കുറുകും വരെ വേവിക്കണം.

ഗ്രേവി പാകമായി കഴിയുമ്പോൾ വേവിച്ച പരിപ്പും ക്യാബേജും ചേർത്ത് 3 മിനിറ്റ് കൂടി വേവിക്കുക. അടപ്പത്ത് നിന്നിറക്കിയ ശേഷം ഇഞ്ചിയും മല്ലിയിലയും മുകളിൽ വിതറി ഗാർണിഷ് ചെയ്യാം.