നിങ്ങൾ മിക്കപ്പോഴും കേട്ടിരിക്കുന്ന ഒരു പ്രയോഗ ശൈലിയാണ് റൈസ് ആന്‍റ് ഷൈൻ എന്നത്. എന്നാൽ അതുപോലെ തന്നെ പറയാൻ കഴിയുന്ന ഒന്നാണ് ഈറ്റ് ആന്‍റ് ഷൈൻ എന്നത്. ഈ രീതി അവലംബിക്കുന്നതിലൂടെ നിങ്ങൾക്ക് സ്വന്തം ചർമ്മം തിളക്കമുള്ളതും ആരോഗ്യമുള്ളതുമാക്കാം. അത് ശരിയായ ഭക്ഷണ രീതി അവലംബിക്കുന്നതിലൂടെയാണെന്നു മാത്രം.
ചർമ്മം തിളക്കമുള്ളതുമാക്കാം
നിങ്ങൾ സ്വന്തം ഐബ്രോകളെ നിരീക്ഷിച്ചിട്ടുണ്ടോ. അത് തിളക്കമുള്ളതാണോ, ഇല്ലെങ്കിൽ പ്രതിവിധിയുണ്ട്. കൂടുതൽ പഴവർഗ്ഗങ്ങളും പച്ചക്കറികളും കഴിക്കൂ. ഇതിലൂടെ നിങ്ങളുടെ ചർമ്മത്തിന് തിളക്കവും ആരോഗ്യവും കൈവരിക്കാനാവും. അതോടൊപ്പം ചർമ്മത്തിനുണ്ടാകുന്ന ചുളിവുകളെ അകറ്റി നിർത്താനാവും. ആന്‍റി ഓക്സിഡന്‍റ്സ് ലെവൽ നിയന്ത്രിതമായ നില കൈവരിക്കുന്നതിലൂടെ ചർമ്മം ആരോഗ്യകരമായി തീരും.
സ്കിൻ ഡോക്ടറുടെ മൂന്ന് നിർദ്ദേശങ്ങൾ
മധുരക്കിഴങ്ങ് (സ്വീറ്റ് പൊട്ടറ്റോസ്), തക്കാളി, ചെറുവെള്ളരി (കാന്‍റലോവ്) എന്നിവ പ്രയോജനപ്പെടുത്താം.
എങ്ങനെ ഫലവത്താകുന്നു: ചർമ്മത്തിലേക്ക് ആന്‍റി ഓക്സിഡന്‍റുകളുടെ പ്രവാഹം വരുന്നതിനാൽ പുതുമ കൈവരിക്കാനാവും. ഇവ കഴിക്കുന്നതിലൂടെ നൈസർഗ്ഗികമായ സൗന്ദര്യം വീണ്ടെടുക്കാം.
രോമകൂപങ്ങളിലേക്കുള്ള ഓക്‌സിജന്‍റെ കടന്നുവരവോടെ കോശങ്ങളുടെ നിർജ്ജീവാസ്‌ഥ തരണം ചെയ്യപ്പെടും. ഉണങ്ങി വരണ്ട അവസ്‌ഥയിൽ നിന്നും അത് ചർമ്മത്തെ പരിരക്ഷിക്കാൻ ഉപകരിക്കും. ചുളിവുകൾ മാറി ചർമ്മം തിളക്കമുള്ളതായി തീരും. അങ്ങനെ ചർമ്മം സംരക്ഷിക്കപ്പെടുകയും ആരോഗ്യം കൈവരിക്കുകയും ചെയ്യും.
ജ്യൂസ് കൂടുതൽ കഴിക്കാം
വിറ്റാമിൻ സി ശരീരത്തിന് അത്യന്താപേക്ഷിതമായിട്ടുള്ളതാണ്. ചർമ്മത്തിലെ ചുളിവുകൾ അകറ്റി നിർത്താൻ ഇത് ഏറെ ഫലപ്രദമാണ്. പതിവായി ജ്യൂസ് കഴിക്കുന്നത് നല്ലതാണ്. ഇതിലൂടെ ശരീരത്തിനാവശ്യമായ വിറ്റാമിനുകൾ ലഭ്യമാകും. ഇത് വളരെ ഫലപ്രദമായ കാര്യമാണ്. സിട്രസായിട്ടുള്ളത് പതിവായി കഴിക്കാൻ പ്രത്യേകം ശ്രദ്ധിക്കേണ്ടതാണ്.
നാലു പ്രധാന കാര്യങ്ങൾ
ഓറഞ്ച്, നാരങ്ങാ, തണ്ണിമത്തൻ, മുന്തിരി ഇവയുടെ ജ്യൂസ് ശരീരാരോഗ്യത്തിന് ഫലപ്രദമാണ്. വ്യക്‌തമായി പറയുകയാണെങ്കിൽ ഔൺസ് പോലെയാണ് ഇവ ഉപയോഗിക്കേണ്ടത് കൃത്യമായ രീതിയിൽ ഇത് ശരീരത്തിൽ ചെയ്യുമ്പോൾ ആവശ്യമായ ധാതുക്കൾ ഇതിലൂടെ ലഭ്യമാക്കാൻ കഴിയും. സിട്രസ് സിയുടെ പ്രധാനം ശ്രോതസാണ് ഓറഞ്ച്. ഇത് സാധാരണയായി ആളുകൾ കഴിക്കുന്നതുമാണ്. ഇത് യഥേഷ്ടം ഉപയോഗിക്കാം. നാരാങ്ങാ വെള്ളം, തണ്ണിമത്തൻ, മുന്തിരി ജ്യൂസ് ഇവയും ശരീരത്തിന് ഉണർവു പകരും. ജലാംശം നിലനിർത്താൻ ഇത്തരം ജ്യൂസുകൾ കഴിക്കേണ്ടത് ആവശ്യമാണ്.
ഇവയുടെ പ്രധാനധർമ്മം
ചർമ്മത്തിലെ വിറ്റാമിൻ സിയുടെ ലെവൽ ഉയർത്താൻ ഇത്തരം ജ്യൂസുകൾക്ക് കഴിയുന്നു. ഇതിലൂടെ കൊളാജന്‍റെ അളവ് നിലനിർത്താനും സാധിക്കും. അടങ്ങിയിരിക്കുന്ന പ്രോട്ടീനും ഫൈബറും സ്കിൻ വരണ്ടതാകാതിരിക്കാൻ സഹായിക്കുന്നു. സ്കിൻ ഉറപ്പുള്ളതും മിനുസമാർന്നതുമാക്കി തീർക്കും. വരകളും പാടുകളും ഒക്കെ അകറ്റി നിർത്താൻ ഇത്തരം ദ്രവപദാർത്ഥങ്ങൾ അനുയോജ്യമാണ്. സിട്രസ് ഉൾക്കൊള്ളുന്ന ഭക്ഷണ പദാർത്ഥങ്ങൾ കഴിച്ചാൽ അകാല വാർദ്ധക്യം ഒഴിവാക്കാൻ സഹായിക്കും.
തിളക്കമാർന്നതും മിനുസമുള്ളതും
ആന്‍റി ഓക്സിഡന്‍റുകളടങ്ങിയ ഭക്ഷണങ്ങളിലൂടെ എല്ലാത്തരത്തിലുള്ള ഘടകങ്ങളും സ്കിന്നിൽ എത്തിച്ചേരുന്നു. ചായ തന്നെ എടുക്കാം. ബ്ലാക്ക്, ഗ്രീൻ, വൈറ്റ് (ഹെർബല്‍) ബ്രൂ ചായ വേണമെങ്കിൽ രാവിലെ കഴിക്കാം. ഇത് ഒരു ശീലമാക്കാവുന്നതുമാണ്. നാലു മുതൽ ആറു കപ്പ് വരെ ഒരു ദിവസം തുടർച്ചയായി ഉപയോഗിച്ചാലും ശരീരത്തിന് ദോഷമൊന്നും ഉണ്ടാക്കുന്നില്ല.
ഗ്രീൻ ടീ
ഗ്രീൻ ടീ പലതരത്തിലുണ്ട്. ഇതിലടങ്ങിയിരിക്കുന്ന ഘടകങ്ങൾ ഏറെ ഫലപ്രദവുമാണ്. ശരീരത്തിന് ഇത് അനുയോജ്യവുമാണ്.
ഗുണഫലം
ഇത് ഉപയോഗിക്കുന്നതിലൂടെ ശരീരത്തിന് ഹെൽത്തിയായിട്ടുള്ള അളവിൽ ഇസിജി നൽകുന്നു. ഇൻഫ്ളമേറ്ററിയായിട്ടുള്ള കെമിക്കലുകളുടെ ആധിക്യത്തിൽ നിന്നും ശരീരത്തെ പരിപോഷിപ്പിക്കുവാൻ സഹായിക്കുന്നു. സൂര്യരശ്മികളാൽ ഉണ്ടായിട്ടുള്ള ചർമ്മപ്രശ്നങ്ങളും ആന്‍റി ഏജിംഗ് സംബന്ധമായ പ്രശ്നങ്ങളും പരിഹരിക്കുവാൻ സഹായിക്കുന്നു. കൂടാതെ സ്കിൻ കാൻസർ തുടങ്ങിയ അസുഖങ്ങളേയും തരണം ചെയ്യാൻ സഹായിക്കും.
ചീര, ബീറ്റ്റൂട്ട്, ബ്രോക്കോളി
വിറ്റാമിൻ എ ചർമ്മത്തിന് ഏറ്റവും മികച്ച പരിപോഷണമാണ് നൽകുന്നത്. ആരോഗ്യപ്രദായകമായ വിറ്റാമിൻ എ യുടെ നല്ലൊരു സ്രോതസു കൂടിയാണ് ചീരയും ബീറ്റ്റൂട്ടും, ബ്രോക്കോളിയും. സ്കിൻ സെല്ലുകളെ പരിപോഷിപ്പിക്കുന്നതിനും പുനരുജ്ജീവിപ്പിക്കുന്നതിനും സഹായിക്കും. കോശങ്ങളുടെ വളർച്ചയേയും വികാസത്തേയും ഇത് വളരെയേറെ സഹായിക്കും. വിറ്റാമിൻ എ യുടെ അഭാവം ചർമ്മം വരളാനും ചുളിയാനും ഇടയാക്കും. ഇത്തരം വസ്‌തുക്കൾ കഴിക്കുന്നതിലൂടെ ചർമ്മത്തിന് പുത്തനുണർവു കൈവരിക്കാം.
