ബോളിവുഡ് ഇൻഡസ്‌ട്രിയിൽ ഈ ദിവസങ്ങളിൽ വിവാഹങ്ങൾ പുരോഗമിക്കുമ്പോൾ, നടി സുസ്മിത സെന്നിന്‍റെ വേർപിരിയൽ വാർത്ത ആരാധകരെ ഞെട്ടിച്ചിരിക്കുകയാണ്. യഥാർത്ഥത്തിൽ, അടുത്തിടെ നടി സുസ്മിത സെൻ കാമുകൻ റോഹ്മാൻ ഷാളുമായി വേർപിരിഞ്ഞതായി റിപ്പോർട്ടുകൾ ഉണ്ടായിരുന്നു, അതിനു ശേഷം ഇപ്പോൾ സുസ്മിത സെൻ തന്‍റെ പോസ്റ്റിലൂടെ ആ വാർത്ത ശരിയാണെന്നു ഉറപ്പിച്ചിരിക്കുന്നു....
സുസ്മിത സെൻ വേർപിരിയൽ ഉറപ്പിച്ചത്തിനു ശേഷം തന്‍റെ ഇൻസ്റ്റാഗ്രാം അക്കൗണ്ടിൽ റോഹ്മാൻ ഷാളുമൊത്തുള്ള ഫോട്ടോ പങ്കിട്ടുകൊണ്ട് ഇങ്ങനെ കുറിച്ചു, 'ഞങ്ങൾ സുഹൃത്തുക്കളായി ആരംഭിച്ചു... ഞങ്ങൾ സുഹൃത്തുക്കളായി തുടരും... ബന്ധം വളരെ മുമ്പേ അവസാനിച്ചു... സ്നേഹം മാത്രമേ അവശേഷിക്കുന്നുള്ളൂ' #nomorespeculations എന്ന് ഹാഷ്‌ടാഗ് ചെയ്തിട്ടുമുണ്ട് നേരത്തെയും.
View this post on Instagram
വേർപിരിയൽ വാർത്തയുണ്ടായിരുന്നു, പിന്നീട് ഇരുവരും പ്രണയ ഫോട്ടോകൾ പരസ്പരം പങ്കുവെയ്ക്കുകയും ബ്രേക്കപ്പ് വാർത്തകളെ ഗോസിപ്പ് എന്ന് വിളിക്കുകയും ചെയ്തു. എന്നാൽ അടുത്തിടെ റോഹ്മാൻ ഷാൾ നടിയുടെ വീട് വിട്ടുപോയതായി റിപ്പോർട്ടുകൾ വന്നിരുന്നു. ഈ വാർത്തയോട് ഇരുവരും പ്രതികരിച്ചിട്ടില്ല. എന്നാൽ സുസ്മിതയുടെ ഈ പോസ്റ്റിന് പിന്നാലെ ആരാധകരും ഞെട്ടിയിരിക്കുകയാണ്.
നടി സുസ്മിത സെന്നിന്‍റെ വെബ് സീരീസ് ആര്യ 2 അടുത്തിടെ ഡിസ്നി ഹോട്ട് സ്റ്റാറിൽ റിലീസ് ചെയ്തു, അതിനാലാണ് അവർ വാർത്തകളിൽ ഇടം നേടിയത്. എന്നാൽ അതിലേറെ ഇപ്പോൾ ഇവരുടെ വേർപിരിയൽ വാർത്ത സോഷ്യൽ മീഡിയയിൽ നിറഞ്ഞിരിക്കുകയാണ്.
