മൺസൂൺ കാലത്ത്, മുതിർന്നവരായാലും കുട്ടികളായാലും വീട്ടിൽ ചില കാര്യങ്ങൾ ശ്രദ്ധിക്കേണ്ടതുണ്ട്. അത് ചെയ്തില്ലെങ്കിൽ പല മാരക രോഗങ്ങൾക്കും കാരണമാകും. അതുകൊണ്ടാണ് മഴക്കാലത്ത് വീട്ടിലെ ചില ശീലങ്ങൾ മാറ്റി നിങ്ങളുടെ കുടുംബത്തെ പരിപാലിക്കുന്നതിനുള്ള ചില ടിപ്പുകൾ.
- പച്ചക്കറി /പഴം ശുദ്ധജലത്തിൽ കഴുകേണ്ടത് അത്യാവശ്യമാണ്
മഴക്കാലത്ത് ഭൂമിക്കടിയിൽ വസിക്കുന്ന ഭൂരിഭാഗം പ്രാണികളും ഉപരിതലത്തിലേക്ക് വരുന്നു, ഇത് പഴങ്ങൾ, പച്ചക്കറികൾ, ഭക്ഷ്യവസ്തുക്കൾ എന്നിവയെ മലിനമാക്കുന്നു. അതിനാൽ ഏതെങ്കിലും പഴങ്ങളും പച്ചക്കറികളും കഴിക്കുന്നതിനു മുമ്പ് അവ ശുദ്ധമായ വെള്ളത്തിൽ നന്നായി കഴുകുക. ആവശ്യമെങ്കിൽ രോഗം ഒഴിവാക്കാൻ പൊട്ടാസ്യം പെർമാങ്കനെറ്റ് ഇട്ട വെള്ളവും ഉപയോഗിക്കാം.
- തിളപ്പിച്ചാറിയ വെള്ളം കുടിക്കുക
മഴക്കാലത്ത് വെള്ളവും അണുബാധയുണ്ടാക്കുന്നു. കുട്ടികൾക്ക് തിളപ്പിച്ചാറ്റിയ വെള്ളം കൊടുക്കുക അതിനൊപ്പം സ്വയവും കുടിക്കുക. വൃത്തിയിൽ പ്രത്യേകം ശ്രദ്ധിക്കുക. കൊതുകിനെ ഒഴിവാക്കാനും രോഗാണുക്കളെ അകറ്റുന്ന ദ്രാവകം ഉപയോഗിക്കാനും മറക്കണ്ട. വീടും പരിസരവും മലിനമാക്കരുത്.
- മഴയിൽ നനയാതെ കുട്ടികളെ സംരക്ഷിക്കുക
കുട്ടികളെ മഴയിൽ നനയാൻ അനുവദിക്കരുത്. സ്‌കൂളിൽ നിന്ന് മടങ്ങുമ്പോൾ നനഞ്ഞാൽ ഉടൻ അവരെ ശുദ്ധജലത്തിൽ കുളിപ്പിച്ച ശേഷം തണുപ്പ് മാറ്റുക. കുട്ടികളുടെ ശരീരത്തിന്‍റെ വൃത്തിയും ശ്രദ്ധിക്കുക. അവരുടെ കളിസ്ഥലവും വൃത്തിയായി സൂക്ഷിക്കുക.
- ഡോക്ടറുടെ ഉപദേശം സ്വീകരിക്കുക
മഴക്കാലത്തു കുട്ടികളുടെ പ്രതിരോധശേഷി ദുർബലമാവുകയും രോഗങ്ങൾ പെട്ടെന്ന് അവരെ ആക്രമിക്കുകയും ചെയ്യുന്നു. അതിനാൽ ഈ സീസണിൽ കുട്ടികളിൽ രോഗലക്ഷണങ്ങൾ കണ്ടാൽ ഉടൻ ഡോക്ടറെ സമീപിക്കുക. മഴക്കാലത്ത് രോഗങ്ങൾ വരാതിരിക്കാൻ കുട്ടികളെ അഴുക്കിൽ നിന്ന് അകറ്റി നിർത്തുക.
- കൂളർ, എസി പോലുള്ളവ വൃത്തിയായി സൂക്ഷിക്കുക
മഴക്കാലത്ത് കൂളർ, എസി, ചെടിച്ചട്ടി എന്നിവയിൽ പലപ്പോഴും അഴുക്കു വെള്ളം അടിഞ്ഞുകൂടും. അതുകൊണ്ടാണ് ദിവസേന അഴുക്കു വെള്ളം വൃത്തിയാക്കാൻ ശ്രമിക്കുക. അല്ലാത്തപക്ഷം മലേറിയ, വയറിളക്കം മുതലായ പല വലിയ രോഗങ്ങളും നേരിടേണ്ടി വരും.
