നമ്മുടെ ദൈനംദിന ജീവിതത്തിന്‍റെ ഭാഗമായിരിക്കുകയാണ് ഫാഷൻ. സമയത്തിനും കാലത്തിനുമനുസരിച്ച് മാറുന്ന ഒന്ന്. വസ്ത്രം ആത്മവിശ്വാസവും കംഫർട്ടും സന്തോഷവും ഉന്മാദവും പകരുന്ന ഒന്നായിരിക്കുന്നു. അത്രയും സൂക്ഷ്മതയോടെയാണ് ഓരോരുത്തരും സ്വന്തം ഫാഷൻ സെൻസിനനുസരിച്ച് വസ്ത്രങ്ങൾ തെരഞ്ഞെടുക്കുന്നതും അണിയുന്നതും.
2021ലെ ഫാഷൻ വീക്കുകളിൽ മറ്റും പോപ്പുലർ ആയി മാറിയിരിക്കുന്ന ചില ട്രെന്‍റുകളെക്കുറിച്ചറിയാം. 2021 ൽ എല്ലാവരും പരീക്ഷിച്ചിരിക്കേണ്ട ചില ട്രെന്‍റുകളെ പരിചയപ്പെടാം.
ഡെനിം: നമ്പർ വൺ ചോയിസ് മറ്റൊന്നുമല്ല. യൂണിവേഴ്സൽ ഫാബ്രിക്ക് എന്ന് വിശേഷണമുള്ള നമുക്ക് എല്ലാക്കാലവും പ്രിയപ്പെട്ട ഡെനിം തന്നെ. പക്ഷേ പഴയ പ്ലെയിൻ ട്രെന്‍റിന്‍റെ സ്ഥാനത്ത് പുതിയ ചില കിടിലൻ അവതാറിലാണ് പുതിയ ഡെനിമുകൾ ഇപ്പോൾ ട്രെന്‍റാവുന്നത്. പാച്ച് വർക്ക്, കട്ട് വർക്ക്, ബ്ലു വാഷസ്, ഐസി ബ്ലു വാഷസ്, ഡയ്ഡ് ഡെനിംസ്, കളർ ടിന്‍റഡ്, പെസ്റ്റൽ കളേഡ് ഡെനിംസ് എന്നിങ്ങനെ പുതിയ ഫാഷൻ ട്രെന്‍റുകളിലായാണ് ഡെനിമുകൾ ഫാഷൻ പ്രേമികളുടെ ഹൃദയം കീഴടക്കിയിരിക്കുന്നത്.
ഓർഗാൻസ: രണ്ടാം സ്ഥാനത്ത് എത്തുന്ന മറ്റൊരു ക്യൂട്ട് ഫാബ്രിക്. ക്യൂട്ട് ആന്‍റ് ട്രാൻസ്പരന്‍റ്. വെള്ളം പോലെ ക്യൂട്ടായി ഒഴുകി കിടക്കുന്ന ഓർഗാൻസ ഉടുത്ത് കാണാൻ ക്യൂട്ടാണെങ്കിലും ഉടുക്കാനിത്തിരി ബുദ്ധമുട്ടുള്ള ഫാബ്രിക്കാണ്. പക്ഷേ ശീലമുള്ളവർക്ക് നോ പ്രോബ്ളം. പ്ലെയിൻ സാരികളാണ് ഓർഗൻസയിൽ സർവ്വ സാധാരണമായി കണ്ടുവന്നിരുന്നെങ്കിലും പ്രിന്‍റഡ് ഡിസൈനുകളും എംബ്രോയ്ഡറി വർക്കുകളും ഓർഗൻസയിൽ ഇപ്പോൾ ധാരാളമായി വരുന്നുണ്ട്. ഓർഗൻസയിൽ ബ്ലൗസ്, ലഹങ്ക എന്നിവ ഡിസൈൻ ചെയ്യുമ്പോൾ ഓർഗനസയ്ക്ക് സ്ട്രോംഗ് ലൈനിംഗ് വേണ്ടി വരും. വലിയുമ്പോൾ ഫാബ്രിക്ക് കീറി പോകാതിരിക്കാനും ഫാബ്രിക്ക് സ്റ്റൈലിംഗിന് മികവു നൽകാനുമാണിത്.
ഏറ്റവും പ്യൂറായി സിൽക്കിലാണ് ഓർഗൻസ ചെയ്തിരിക്കുന്നത്. ഈ ഫാബ്രിക്കിന് വിലയൽപ്പമേറുമെങ്കിലും താരതമ്യേന അഫോർഡബിൾ പ്രൈസിലായി സിന്തറ്റിക് ഫാബ്രിക്കുകളിലുമായും ഓർഗൻസ ലഭ്യമാണ്. പോളിയസ്റ്റർ, നൈലോൺ എന്നീ സിന്തറ്റിക്കുകളിലുമായി ഓർഗൻസ വരുന്നുണ്ട്.
ലിനൻ: പണ്ടുകാലം തൊട്ടെ നമുക്കൊപ്പമുള്ള പ്രഷ്യസ് ചോയിസാണ് ലിനൻ. ലിനൻ ഫാബ്രിക്കിന് പ്രൗഢമായ സ്‌ഥാനമാണുള്ളത്.
ലിനനിനെക്കുറിച്ചോർക്കുമ്പോൾ വളരെ നാച്ചുറൽ ടോണിലും എർത്ത് ടോണിലുമായി വരുന്ന ഫാബ്രിക്കായാണ് മനസിലോടിയെത്തുന്നത്. എന്നാൽ ലിനനിന്‍റെ പഴയ സോഫ്റ്റ് നേച്ചറിന് വലിയ മാറ്റങ്ങൾ സംഭവിച്ചിരിക്കുന്നു. വളരെ കളർ ഫുള്ളായ പ്രിന്‍റുകളിലും ഫ്ളോറൽസിലും ചെക്ക് ഡിസൈനുകളിലുമായി വളരെ ബോൾഡ് ഡിസൈനുകളിലാണ് ലിനനിന്‍റെ പുതിയ രൂപ മാറ്റങ്ങൾ. ലിനനിൽ ക്യൂട്ടായ മെൻസ് വിയറുകൾ ഡിസൈൻ ചെയ്യാം. പ്യൂർ ലിനൻ അൽപ്പം എക്സ്പെൻസീവാണെങ്കിലും ലിനൻ ചേർന്ന കോട്ടൺ മിക്സിന് അത്ര വില വരില്ല. അണിയാൻ കൂളും കംഫർട്ടിബിളുമായ ലിനനിന് അതിന്‍റേതായ ഒരു മനസുണ്ട്. ധരിക്കുമ്പോൾ അൽപ്പം ചുരുളിച്ചയുണ്ടാകുമെന്നതാണ്. അതാണ് ഈ ഫാബ്രിക്കിന്‍റെ ക്യൂട്ട്നസും.
ക്രോഷെ: ഈ ഗണത്തിൽ നമ്പർ 4 ൽ നിൽക്കുന്ന ഫാബ്രിക്. മറ്റ് ഫാബ്രിക്കു പോലെ മീറ്റർ കണക്കിന് വാങ്ങാൻ പറ്റുന്ന ഫാബ്രിക്കല്ല ഇത്. എന്നാൽ വ്യത്യസ്ത ബ്രാന്‍റുകളിലായി ക്രോഷെ ഫാബ്രിക്കിൽ ഫുൾ ഗാർമെന്‍റുകൾ എത്തി തുടങ്ങിയിരിക്കുന്നുവെന്നതാണ് ലേറ്റസ്റ്റ് ട്രെന്‍റ്. സെറ്റായും ക്രോഷെ ലഭ്യമാണിപ്പോൾ. വളരെ സൊഫിസ്റ്റിക്കേറ്റഡായ ഫീൽ പകരുന്ന ഒരു കംപ്ലീറ്റ് ഫാബ്രിക്കാണിത്.
എംബ്രോയ്ഡറി നെറ്റ്സ്: 2021 ലെ നമ്പർ 5 ഫാബ്രിക്. വളരെ ലൈറ്റ് ഫാബ്രിക്കാണിത്. വളരെ വിലക്കുറവിൽ പ്ലെയിൻ നെറ്റ്സ് കിട്ടിയിരുന്നുവെങ്കിലും ഹെവി ഡിസൈൻ വർക്കുകൾ ചെയ്‌ത നെറ്റുകൾ ഫാഷൻ തരംഗമായി മാറിയിരിക്കുന്നുവെന്നതാണ് ഹൈലൈറ്റ്. ത്രെഡ് വർക്ക്, സീക്വൻസ് വർക്ക്, ബീഡ് വർക്ക് എന്നിങ്ങനെ എംബ്രോയ്ഡറി വർക്കുകൾ തീർത്ത നെറ്റുകൾ ഫാഷൻ പ്രേമികളുടെ ഇഷ്ട ചോയിസാണ്. നെറ്റുകൾ കൊണ്ട് സാരിയോ ലഹങ്കയോ അങ്ങനെ ഇഷ്ടമുള്ള ഏത് ഫാഷനും ക്യൂട്ടായി ഡിസൈൻ ചെയ്തെടുക്കാം. കാഴ്ചയിൽ ഒരു റിച്ച് ഫീൽ തന്നെ നൽകും.
വെൽവറ്റ്: റോയൽ ഫീൽ നൽകുന്ന വെൽവറ്റാണ് മറ്റൊന്ന്. വെൽവറ്റിനെ കാണുമ്പോൾ പണ്ടുകാലത്ത് രാജാക്കന്മാരും രാജ്ഞിമാരും ധരിച്ചിരുന്ന വേഷങ്ങളാണ് നമുക്കോർമ്മ വരിക. അത്രയ്ക്കും പ്രൗഢമായ ഫാബ്രിക്കാണിത്. വെൽവറ്റ് ഫാബ്രിക്കിന് മീതെ കാണുന്ന ഫൈബറുകളാണ് വെൽവറ്റിന് ഷൈനിംഗ് പകരുന്നത്. വെൽവറ്റ് ഫാബ്രിക്കിലുള്ള ഫുൾ ഗാർമെന്‍റ് ധരിക്കുന്നത് ഹെവി ലുക്ക് നൽകുന്നതിനാൽ അൽപ്പം ശ്രദ്ധയോടെ വേണം വെൽവറ്റ് ഉപയോഗിക്കാൻ. ഗാർമെന്‍റിൽ പാർട്സ് ആയി വെൽവറ്റ് യൂസ് ചെയ്‌ത് സ്റ്റൈൽ ചെയ്യാം. സാരിയൊടൊപ്പം ധരിക്കുന്ന ബ്ലൗസ് വെൽവറ്റിൽ ഡിസൈൻ ചെയ്തെടുക്കാം. അതുമല്ലെങ്കിൽ സ്കർട്ടിനൊപ്പമുള്ള ടോപ്പ് വെൽവറ്റിലാക്കാം. ഇങ്ങനെ പാർട്സ് ആയി ഡിസൈനുകളൊരുക്കി യൂണിക് സ്റ്റൈൽ ക്രിയേറ്റ് ചെയ്യാം. സിൽക്കിലുള്ള വെൽവറ്റിന് വിലയൽപ്പം കൂടുതലാണെങ്കിലും പോളിയസ്റ്ററിലും റയോൺസിലുമായി വെൽവറ്റ് വിലക്കുറവിൽ ലഭിക്കും.
